ながりゆるみじぬあてぃん　　　　流りゆる水ぬ在てぃん
がれちぬあとぅんかい　　　　　　瓦礫ぬ跡んかい
りんどうぬはなぬさちゅる　　　　竜胆ぬ花ぬ咲ちゅる
ゆちゅぬさちや　　　　　　　　　行ちゅぬ先や
るりあざみぬさとすぬぐとぅ　　　瑠璃あざみぬ諭すぬ如
みじくさぬゆりぃぬぐとぅ　　　　水草ぬ揺りぃぬ如
じゆうちままに　　　　　　　　　自由気儘に
にぃぬふぁぶしみざし　　　　　　北極星目指し

さちょるはなぬちゆん　　　　　　咲ちょる花ぬ露ん
くもじぬあまみじん　　　　　　　久茂地ぬ甘水ん
らんかんしちゃんながりうるん　　欄干下ん流りうるん
ばんたからうちゅるたちん　　　　バンタから落ちゅる滝ん
なあなあめえぬ　　　　　　　　　其々前ぬ
うまりちゃるゆぅやさ　　　　　　生まり来ゃる世やさ
きっさけえらあまんかいけえら　　先刻帰ら彼処んかい帰ら
てぃんぬみるくゆがふんかい　　　天ぬ弥勒世果報んかい






いっぺぇあがちゅぐとぅ　　　　　　　　いっぺぇ働ちゅぐとぅ
るくぐゎちかしぃぬあたいる　　　　　　六月強飯ぬ充たいる
ちんぴしぬにりるかあがちぃねぇ　　　　膝肘ぬにりるか働ちぃね
らくんないる　　　　　　　　　　　　　楽んないる
さりあらんねぇ　　　　　　　　　　　　さりあらんねぇ
あちゃあさてぃぬ　　　　　　　　　　　明日明後日ぬ
てぃだんねぇんてぃいぬむん　　　　　　太陽ん無ぇんてぃいぬむん
どぅあらんな　　　　　　　　　　　　　どぅあらんな

すくてぃみいわ　　　　　　　　　　　　掬てぃみいわ
くちゃんかいくゎっきとおるまぐくる　　後んかい隠とおる真心
てぃらしょうり　　　　　　　　　　　　照らしょうり
いったああんまーすーからさじかってぃ　いったあ母父から授かってぃ
んまぐゎんかいたくするゆぅ　　　　　　孫んかい託する世
ちゃあすがちゃあすが　　　　　　　　　如何すが如何すが
るぅぬぬちぬなしよう　　　　　　　　　自分ぬ命ぬ成しよう




　　　----------------

ながりゆるみじに　　　　　　　　流れゆる水に　
さくらばなうきてぃ　　　　　　　桜花浮けて
いるぢゅらさあてぃどぅ　　　　　色美さあてど
すくてぃんちゃる　　　　　　　　掬て見ちゃる

　　　　　　　　　　　　　　　　吉屋ちるー